بقلم- هند أحمد 

أفراحنا بيوم الوطن نورها بان
والراس من زود الفخر بالشعر هام

وأجزل قصيدة لأغلا وأعز الأوطان
المملكة في مدحها تجف الأقلام

دارٍ احتوت كل اليتامى بالأحضان
في حضنها ما صرنا يا عالم أيتام

وطنٍ محتوينا بالوفا والحنان
في طيبها والعطف ما نلقى حرمان

وشلون ما نفخر بها ونجرّ الألحان
لا والله نفخر بها شعبٍ وحكّام

دار الفخر فيها نزل وحي الإيمان
نهج الرسالة والقبلة لدين الإسلام

أم اليتامى يا وطن يا خير الأوطان
دار الأمان اللي بها الأمن دايمٍ تام

في ظل قيادتنا لنا عزّ ومكان
وبحكمة حكّامنا نعلو مع الأيام

واليوم في يوم الوطن تسعد لنا الأزمان
وتزهو بنا دارٍ لها المجد عنوان

وتشرّف الحفل حضورٍ له قدرٍ وشان
سمو الأميرة هيفاء بنت فيصل تاج المكان

بنت الملوك اللي لها الطيب عنوان
هيبة حضورٍ زاد فرحتنا وأحلى مقام

جت تشاركنا فرحة الوطن بالامتنان
وتكرّم أهل العطاء وتزيدنا إكرام

ولـ«كيان» منا الشكر والعرفان
جمعيةٍ صارت لقلوب اليتامى أمان

وقفة وفا ما تنحصر في بيت أو ديوان
تستاهل الشكر والثنا طول الأعوام

واليوم باسم الأيتام نرفع لها الألحان
ونزفها بالشعر في عذب الأنغام

نهدي التهاني باسم هندأحمد
وصوت اليتامى اللي لها اليوم ترجمان

يا دارنا يا عزّنا طول الأزمان
يا موطن المجد والعز والإكرام

عاشت بلادي حرّةٍ بخير وأمان
والله يديم أمنها طول الأعوام

ويحفظ لنا أرض الوطن والحكّام
وتبقى السعودية عزّنا على الدوام